بجلی اک روپے 56پیسے فی یونٹ مہنگی

اسلام آباد: نیشنل الیکٹرک پاور ریگولیٹری اتھارٹی (نیپرا) نے فی یونٹ بجلی اک روپے 56پیسے مہنگی کرن دی منظوری دے دتی۔ سینٹرل پاور پرچیزنگ ایجنسی نے نیپرا نوں بجلی دی قیمت اک روپے 73پیسے مہنگی کرن دی سفارش کیتی سی۔

چیئرمین نیپرا توصیف ایچ فاروق دی صدارت وچ بجلی دیاں قیمتاں وچ وادھے بارے درخواست تے سماعت ہوئی جہدے وچ بجلی دی قیمت وچ اک روپے 56پیسے وادھے دی منظوری دتی گئی۔ نیپرا نے بجلی مہنگی کرن دی منظوری اکتوبر دی فیول پرائس ایڈجسٹمنٹ دی مد وچ دتی اے۔ نیپرا اعلامیے دے مطابق بجلی دی قیمت وچ وادھے دا اطلاق ماہانہ 50یونٹ تک استعمال کرن والے صارفین تے نہیں ہووے گا جد کہ بجلی مہنگی ہون نال صارفین تے 14ارب روپے دا اضافی بھار پوے گا۔