راشد لطیف نے گنگولی دے 4ملکی ٹورنامنٹ نوں فلاپ آئیڈیا قرار دے دتا

کراچی: پاکستان دے سابق کپتان راشد لطیف نے سارو گنگولی دے 4ملکی ٹورنامنٹ نوں فلاپ آئیڈیا قرار دے دتا۔ راشد لطیف دا کہنا اے بھارتی کرکٹ بورڈ دے صدر آسٹریلیا تے انگلینڈ دے نال رل کے چار ملکی سالانہ ٹورنامنٹ لئی کوشاں نیں، ایہ وی بگ تھری وانگوں اک فلاپ آئیڈیا ثابت ہووے گا، ایہدا مقصد باقی آئی سی سی ممبر ملکاں نوں کلیاں کرنا اے جو کہ کسے صورت وی کرکٹ لئی چنگی خبر نہیں اے۔

یاد رہوے کہ بھارت انٹرنیشنل کرکٹ کونسل دے ہر ورھے اک عالمی ٹورنامنٹ دا راستہ روکن لئی انگلینڈ تے آسٹریلیا دے نال رل کے تن یا فیر چار ملکی ٹورنامنٹ منعقد کرنا چاہندا اے جہدے توں حاسل ہون والا ریونیو صرف متعلقہ بورڈز وچ ای تقسیم ہووے گا۔