پاکستان نوں آئی ایم ایف توں بطور قرض 45کروڑ ڈالر دی قسط موصول

کراچی: پاکستان نوں آئی ایم ایف ولوں بطور قرض 45کروڑ ڈالر دی قسط موصول ہو گئی اے جہدی وجہ توں ملکی زرمبادلہ دے ذخائر وچ وادھا ہویا اے۔ اسٹیٹ بینک ولوں جاری بیان دے مطابق آئی ایم ایف نے 23دسمبر نوں 45کروڑ 24لکھ ڈالر دی دوجی قسط فراہم کر دتی سی۔

جہدے بعد زرمبادلہ ذخائر وچ وادھا ہویا اے۔ اسٹیٹ بینک دے مطابق قرض دی قسط ملن دے بعد ملک دے مجموعی زرمبادلہ ذخائر دا حجم 17ارب 59کروڑ 52لکھ ڈالر تک اپڑ گیا اے جہناں وچوں مرکزی بینک دے کول 10ارب 90کروڑ 73لکھ ڈالر محفوظ نیں جد کہ کمرشل بینکاں دے کول 6ارب 68کروڑ 79لکھ ڈالر دے ذخائر نیں۔