.نیب لہور نے سال 2019ء دی کارکردگی رپورٹ جاری کر دتی

لہور: قومی احتساب بیورو (نیب) لہور نے 19ورھے دا ریکارڈ توڑدیاں ہوئیاں مجموعی طور تے اک ورھے دے دوران 29ارب 93کروڑ دی ریکوری کیتی۔ نیب لہور دی سالانہ رپورٹ دے مطابق 2019ء کرپشن، بدعنوانی تے قومی خزانے نوں نقصان اپڑان وچ ملوث 138ملزمان گرفتار کیتے جد کہ ایس ورھے دے دوران 100نویں انکوائریاں دا آغاز کیتا گیا۔

ایس ورھے نویں شروع ہون والی انویسٹی گیشنز دی تعداد 36رہی۔ 2019ء وچ مجموعی طور تے 55ریفرنسز احتساب عدالتاں وچ دائر کیتے گئے۔ نیب لہور نے کرپشن کیساں وچ تحقیقات مکمل کردیاں ہوئیاں 25کرپشن دے ریفرنسز احتساب عدالتاں وچ داخل کیتے۔ نیب لہور ولوں پلی بارگین دے 30ریفرنس احتساب عدالتاں وچ داخل کیتے گئے۔ 2019

ء دے دوران کم و بیش 3ارب روپے کیش دی صورت وچ متاثرین نوں واپس کرے۔ ایہدے علاوہ 27ارب توں ودھ مالیت دے مکانات تے پلاٹ وی متاثرین دے حوالے کیتے گئے۔ ماضی وچ نیب لہور نوں اوسط سالانہ چار ہزار شکایتاں موصول ہوندیاں رہیاں، پر 2019ء دے دوران نیب لہور نوں 13ہزار توں ودھ شکایتاں موصول ہوئیاں۔

رپورٹ دے اجرا دے دوران ڈی جی نیب لہور د اکہنا سی نیب احتساب ساریاں لئی دی پالیسی تے سختی نال گامزن اے۔ بے لاگ احتساب لئی چیئرمین نیب دی اختیار کیتی پالیسی دے واضح تے مثبت نتائج برآمد ہو رہے نیں۔ ملک توں بدعنوانی دا خاتمہ تے کرپشن فری ماحول دا قیام نیب دی اولین ترجیح اے۔