سعودی آئل فیلڈز تے حملے وچ حوثی باغی ملوث نیں: اقوام متحدہ

اقوام متحدہ نے سعودی آئل فیلڈز تے حملیاں وچ حوثی باغیاں دے ملوث ہون دا امکان رد کر دتا۔ اقوام متحدہ دی پابندیاں بارے ادارے دی رپورٹ وچ آکھیا گیا اے پچھلے ورھے ستمبر وچ سعودی عرب دی وڈی آئل فیلڈز تے حملہ حوثی باغیاں ولوں نہیں کیتا گیا۔

رپورٹ وچ ہور دسیا گیا اے حوثیاں نے بھانویں ایہناں حملیاں دی ذمہ داری قبول کیتی سی پر ایہناں دے دعویاں دے باوجود 14دسمبر نوں عبقیق تے خریص دی آئل فیلڈز تے حملے حوثی باغیاں نے نہیں کیتے۔

تفتیش کاراں دا کہنا سے ایہناں نوں شک سی کہ ایہناں حملیاں وچ حوثی باغیاں دے زیر اثر یمنی علاقے توں ڈرون تے کروز میزائل فائر کیتے گئے پر ماہرین نے نوٹ کیتا کہ عبقیق نوں شمال تے شمال مغربی جد کہ خریص نوں شمال تے شمالی مشرق دے رخ توں نشانہ بنایا گیا، بجائے ایہدے کہ جے حوثی سرزمین توں حملے دی صورت وچ جنوب توں حملے کیتے جاندے۔

اپنا تبصرہ گھلو