سارا خان ارییج میرج دی حامی، جلد سرپرائز دین دا اعلان

کراچی: سارا خان نے آکھیا اے اوہ ارینج میرج کرن گیاں تے ایس حوالے نال جلد اپنے پرستاریاں نوں سرپرائز دین والیاں نیں۔

میڈیا رپورٹ دے مطابق سارا خان نے اک انٹرویو وچ آکھیا آغا علی دے نال منگنی ہوئی تے نہ ای شادی، پر ایہ سچ اے کہ اسیں اک دوجے نوں پسند کردے سی تے شادی کرنا چاہندے سی۔

اوہناں آکھیا آغا علی نے اخلاقیات دی ہر حد نوں پار کردیاں ہوئیاں میرا دل دکھایا، ایس لئی راستے جدا کر لئے۔ سارا دا کہنا سی فلماں وچ کم کرن دے حوالے نال بہت آفرز آندیاں نیں پر کوئی اجہی فلم نہیں کرنا چاہندی جہدے وچ مینوں جسم دکھان دی لوڑ پوے۔