‘آداب عرض ہے’حارث رؤف نے وکٹ لین تے جشن دا نواں انداز اپنا لیا

لہور: پاکستانی پیسر حارث رؤف نے وکٹ دا جشن منان لئی نواں انداز اپنا لیا اے۔ میلبورن سٹارز دی نمائندگی کردیاں ہوئیاں چار میچاں وچ 13شکار کرن والے پاکستانی پیسر حارث رؤف نے وکٹ دا جشن منان لئی نواں انداز اپنا لیا اے۔ ایس توں پہلاں میچاں وچ وکٹ حاصل کرن دے بعد اوہناں نے گلا کٹن دا ایکشن اپنایا سی جہنوں سوشل میڈیا تے تنقید دا نشانہ بنایا گیا، کوچ عاقب جاوید نے وی سرزنش کیتی تے پیسر نے آئندہ محتاط رہن دا وعدہ کر لیا۔

بدھ نوں میچ دے دوران اوہناں نے ہیٹ ٹرک پوری کیتی تے ہر وکٹ دا جشن منان لئی ‘آداب عرض ہے’ دا کلاسیکل انداز اپنایا۔ اوہناں دا ایہ ایکشن توجہ دا مرکز بنیا، ایہدے نال برق رفتار گینداں وی شائقین نوں عش عش کرن تے مجبور کردیاں رہیاں، حارث رؤف دی اک گیند دی سپیڈ 151.3کلومیٹر فی گھنٹہ رہی۔