جے نتائج نہیں ملے تے گھبرانا نہیں چاہیدا: مصباح الحق

لہور: چیف سلیکٹر مصباح الحق دا کہنا اے جے سانوں رزلٹ نہیں ملے تے گھبرانا نہیں چاہیدا، چنگے نتائج ملن گے۔ لہور وچ پریس کانفرنس دے دوران ہیڈ کوچ و چیف سلیکٹر مصباح الحق نے آکھیا شائقین کرکٹ نوں پاکستان وچ سیریز دی مبارکباد دینا آں، دو دن دی محنت نال ٹیم بنائی اے محمد حفیظ اجے وی پاکستان ٹیم لئی چنگا پرفارم کر سکدا اے جد کہ کامران اکمل، سلمان بٹ سنے ہر کھڈاری دی پرفارمنس ویکھ رہے آں۔

مصباح الحق دا کہنا سی جے سانوں رزلٹ نہیں ملے تے گھبرانا نہیں چاہیدا، چنگے نتائج ملن گے، اسیں کوشش کر رہے آں کہ ورلڈ کپ توں پہلاں چنگے توں چنگا کمبی نیشن بنا لیئے، پاکستان سپر لیگ دے بعد کافی جواب ملن گے تے ٹیم دی اک شیپ بن دی وکھائی دیوے گی۔ اک سوال دے جواب وچ ہیڈ کوچ آکھیا اسیں آسٹریلیا وچ نویں کھڈاریاں نوں چانس دتا تے شاداب خان تے کم ہو رہیا اے، عثمان قادر نوں بیک اپ لئی رکھیا اے۔

اپنا تبصرہ گھلو