وزیراعظم دی شہبازشریف تے مریم دی کرپشن دے شواہد منظرعام تے لیان دی ہدایت

اسلام آباد: وزیراعظم عمران خان نے شہبازشریف تے مریم نواز دی کرپشن بارے شواہد منظرعام تے لیان دی ہدایت کیتی اے۔ وزیراعظم عمران خان دی زیر صدارت ہون والے اجلاس وچ اپوزیشن دے کیسز بارے جارحانہ حکومتی بیانیہ جاری رکھن تے اتفاق ہویا اے۔

وسیلیاں دے مطابق اجلاس دے دوران چوہدری شوگر ملز کیس وچ شہباز شریف تے مریم نواز بارے نویں انکشافات دا جائزہ لیا گیا جد کہ چوہدری شوگر مل کیس بارے شواہد منظرعام تے لیان دا وی فیصلہ کیتا گیا اے۔

وزیراعظم عمران خان آکھیا وائٹ کارلر کرائمز دے خلاف اداریاں دی استعداد ہور ودھان دی لوڑ اے، حکومت کرپشن کیساں تے کوئی سمجھوتہ نہیں کرے گی، بلاتفریق تے منصفانہ احتسابی عمل نوں یقینی بناواں گے۔ معیشت دی تباہی دے ذمہ داراں دے کارنامے قوم نوں پتہ ہونے چاہیدے نیں۔