محمد حفیظ دا ٹی ٹونٹی ورلڈ کپ دے بعد ریٹائرمنٹ دا اعلان

لہور: سابق کپتان محمد حفیظ نے ٹی ٹونٹی ورلڈ کپ دے بعد ہر طرح دی کرکٹ نوں خیرباد کہن دا اعلان کر دتا۔

قذافی سٹیڈیم وچ میڈیا نال گل کردیاں محمد حفیظ آکھیا ٹیم وچ واپسی میرے لئی سرپرائز نہیں اے، میں ٹیم نوں مس کر رہیا سی واپسی تے خوشی ہوئی اے، بولنگ دی کمی محسوس کراں گا، بولنگ ایکشن ٹیسٹ لئی تیار آں، پاکستان لئی بطور بیٹسمین کھیڈیا آں تے بولنگ دی اضافی صلاحیت ٹیم دے کم آندی رہی اے، کوشش ہووے گی بطور بولر وی ایکشن وچ نظر آواں۔

محمد حفیظ دا کہنا سی میرا پلان اے کہ فٹنس تے فارم دے نال ٹی ٹونٹی ورلڈ کپ کھیڈاں تے بین الاقوامی کرکٹ توں ریٹائر ہو جاواں، میں کدی مایوس نہیں سگوں ہمیشہ پُرامید رہنا آں تے مثبت سوچدا آں، ایس سوچ دے نال ٹیم وچ آیا آں، میری کوشش ہووے گی جہڑا اعتماد کیتا گیا اے اوہدے تے پورا اتراں۔

اپنا تبصرہ گھلو