رابی پیرزادہ دا بچیاں نوں پڑھن گھلن والے ماپے نوں ماہانہ امداد دا اعلان

کراچی: سابق گلوکارہ رابی پیرزادہ نے غریب بالاں نوں مفت تعلیم دین تے اوہناں دا خراچ چُکن وچ مدد کرن دا بیڑا چکیا اے۔

رابی پیرزادہ اج کل کیلی گرافی (خدا دے ناں تے قرآن آیتاں دی خوشنما تحریراں) بنان وچ مصروف نیں تے کجھ دناں پہلاں اوہناں نے اپنے کیلی گرافی آرٹ دی نمائش دا اعلان وی کیتا سی۔

ہن رابی پیرزادہ نے سماجی رابطے دی ویب سائٹ ٹوئٹر تے اک ویڈیو شیئر کیتی اے جہدے وچ کجھ بچے اوہناں دی کیلی گرافی آرٹ دی تصویراں ہتھ وچ چُکے ہوئے نیں۔ ویڈیو دے نال رابی پیرزادہ نے پیغام لکھیا جے ماپے اپنے بالاں نوں اوہناں دے کول تعلیم حاصل کرن لئی گھلن تے میں اوہناں دے گھر دا خرچ چُکن وچ مدد کراں گے۔

رابی نے لکھیا جے لوک اک مُنڈے نوں تعلیم حاصل کرن لئی گھلدے نیں تے ایہدے بدلے 500روپے ماہانہ تے جے اپنی دھی نوں گھلن تے 1000روپے دیواں گی۔رابی پیرزادہ نے سارے لوکاں توں درخواست کردیاں آکھیا اوہناں دا کیلی گرافی آرٹ خرید کے ایہناںبالاں دی تعلیم حاصل کرن وچ اوہناں دی مدد کرو۔

اپنا تبصرہ گھلو