باہرلی دنیا نال رابطہ منقطع، مقبوضہ کشمیر وچ کرفیو دا 45 واں دیہاڑ

سرینگر: مقبوضہ وادی وچ بھارتی مظالم دا اج 45 واں دیہاڑ اے، وادی وچ دکاناں ، کاروبار، تعلیمی ادارے سنسان پئے نیں، گھراں وچ قید کشمیری ضروریات زندگی نوں ترس گئے۔

ہر گزردے دیہاڑ نال کشمیریاں دی زندگی بدتر ہون لگی۔ گھراں وچ محصور لوگ کھان پین دی اشیاء نوں ترس گئے۔ دکاناں، کاروبار، تعلیمی ادارے تاحال بند نیں، چپے چپے تے بھارتی فوج تعینات نیں۔

کمیونی کیشن بلیک آئوٹ پاروں اصل صورتحال جاننا مشکل بن گیا۔ کشمیر میڈیا سروس دے مطابق صرف شوپیاں دے علاقے توں 2 ہزار دے قریب نوجواناں نوں حراست وچ لیا جا چکیا اے۔ 5 اگست توں سارے حریت رہنما گھراں تے جیلاں وچ بند نیں۔