جاپان دا 3لکھ 40ہزار پاکستانیاں لئی نوکریاں دا اعلان

اسلام آباد: جاپان نے 3لکھ 40ہزار پاکستانیاں لئی نوکریاں دا اعلان کردتا، چیئرمین پوئپا سرفراز ظہور چیمہ دا کہنا اے ہنرمند تے نیم ہنرمند پاکستانیاں دی جاپان لئی بھرتی دا جلد آغاز ہووے گا۔ جاپانی سفارتخانے دے قونصلر ٹوکیٹا یوجی نال چیئرمین پاکستان اوورسیز ایمپلائنمنٹ پروموٹرز ایسوسی ایشن سرفراز ظہور چیمہ، بیورو آف امیگریشن دے ڈی جی کاشف احمد نور، سابق چیئرمین پوئپا چودھری افضل سنے دوجیاں نے ملاقات کیتی۔ چیئرمین پوئپا نے میڈیا نال گل کردیاں آکھیا سرکار ولوں لائسنس یافتہ اوورسیز ایمپلائمنٹ پروموٹرز دے راہیں افرادی قوت بجاپان گھلن دا فیصلہ ہویا اے۔ چیئرمین پوئپا سرفراز ظہور چیمہ نے دسیا کہ ہنرمند تے نیم ہنرمند پاکستانیاں دی جاپان لئی بھرتی دا جلد آغاز ہووے گا۔ اوورسیز ایمپلائمنٹ پروموٹرز بیروزگاری دے خاتمے وچ سرکار دی بھرپور مدد لئی پرعزم اے۔ ایس ورھے 50لکھ پاکستانیاں نوں بیرون ملک روزگار دے مواقع فراہم کرن گے۔