وزیراعظم فائنل یوٹرن لین تے پتلی گلی توں واپس چلے جان: قمر زمان کائرہ

پیپلزپارٹی وسطی پنجاب دے صدر قمر زمان کائرہ نے وزیراعظم عمران خان تے تنقید کردیاں آکھیا اے مشیر برائے ادارہ جاتی اصلاحات عشرت حسین نے حکومت دی نالائقیاں تے کمزوریاں نوں تسلیم کیتا ایس لئی تسیں فائنل یوٹرن لوو تے پتلی گلی توں واپس چلے جاؤ۔

آٹے دی قیمت وچ وادھے دے خلاف پیپلزپارٹی دے سیکرٹری اطلاعات حسن مرتضیٰ دے بھوک ہڑتالی کیمپ دے باہر میڈیا نال گل کردیاں قمر زمان کائرہ آکھیا وزیراعظم دے مشیر برائے اصلاحات و کفایت شعاری عشرت حسین کہہ رہے نیں گڈ گورننس دا برا حال اے، کسے ادارے وچ سفارش دے بغیر کم نہیں ہو رہیا اے، جے مزدور دی دیہاڑی نہیں لگے گی تے اوہ جرم یاں خودکشی ای کرے گا۔

اوہناں آکھیا ہن حکومت توں جان چھڈوا کے دم لواں گے، آٹے تے چینی بحران تے تحقیقات ہونی چاہیدی اے، کنک دی ایکسپورٹ تے 10ارب روپے دا چونا لگا تے ہور لگے گا، عوام دی آواز تے بھوک ہڑتال کراں گے، ایہنوں پاکستان دے شہراں تے گلیاں تک لے کے جاواں گے، لوکاں نوں روٹی نہیں ملے گی تے اوہ گریبان تک اپڑ جان گے۔

اپنا تبصرہ گھلو