حکومت:اکھوں انھی تے ناں چراغ بی بی

لکھت:ڈاکٹر اخترشمار

اک بندہ کسے نجومی دے کول آیا تے کہن لگا:
نجومی صاحب میرے کھبے ہتھ وچ کھجلی ہو رہی اے۔
نجومی نے ہتھ ویکھدیاں آکھیا:
عنقریب تہاڈے ہتھ وچ دولت آن والی اے
بندہ: نجومی صاحب! میرے سجے ہتھ وچ وی کھجلی اے۔
نجومی: عنقریب جہڑی دولت آوے گی اوہ جان والی اے۔
بندہ:نجومی صاحب! میرے تے کھبے پیر وچ وی کھجلی اے
نجومی: (پیر ویکھدیاں ہوئیاں) عنقریب تسیں کوئی غیر ملکی اہم سفر کرن والے اون۔
بندہ: نجومی صاحب! میرے تے سجے پیر وچ وی کھجلی اے۔
نجومی: چل بھج ایتھوں تینوں تے خارش پئی ہوئی اے۔
لگدا یہو اے کہ ایس ویلے ساڈی گڈ گورننس نوں وی خارش دی بیماری لگی ہوئی اے۔ ایہ جو ہر دیہاڑے کجھ وزیر مشیر حالات چنگے ہون دیاں تسلیاں دیندے رہندے نیں ایہ اصل وچ صرف تسلیاں نیں مستقل خراب حالات عوام الناس دا برا حال کیتے ہوئے نیں۔
اجے بے نظیر انکم سکیم دے لکھاں فراڈیاں دا تذکرہ جاری سی کہ ایس امدادی سکیم توں سینکڑاں افسراں نے اپنی بیگماں دے ناں تے امداد دی بہندی گنگا وچ ہتھ دھو رکھے نیں تے جدوں وزیراعظم عمران خان نے ایہناں دے ناں ساہمنے لیان دا فیصلہ کیتا تے ہر پاسے ہاہا کار مچ گئی۔ کئی سیاستداناں تے بیورو کریٹاں نے ناں نہ ظاہر کرن دی حفاظتی تدبیراں اختیار کیتیاں، کجھ سرکاری افسراں نوں صرف شوکاز نوٹس دتے گئے نیں۔ اجے تک فراڈیاں دے ناواں دی فہرست ساہمنے نہیں لیائی گئی، عام بندے دا مطالبہ اے کہ مستحق عوام الناس لئی شروع کیتی گئی ایس سکیم توں لٹ مار کرن والیاں دے ناں ظاہر کیتے جان ایہ بڑا ضروری اے سگوں ہن تے ہر غلط کم کرن خاص طور تے کرپشن کرن والیاں دی بے نقابی ضروری اے۔ ایہ سکینڈل اجے منظرعام تے آیا سی سی کہ مارکیٹ توں آٹا غائب کر دتا گیا 20کلو آٹے دا جہڑا تھیلا 800روپے وچ مل رہیا سی اسیںکل اک ہزار روپے وچ خریدیا۔ اج وزیراعظم عمران خان نے پہلی واری آٹے دا بحران بن دیاں ای فی الفور کاروائی دا حکم دتا اے کہ ذخیرہ اندوزاں تے مہنگا آٹا ویچن والیاں دے خلاف سخت کاروائی عمل وچ لیائی جاوے۔ سو کئی فلور ملز نوں سیل کر دتا گیا کئی ملاں دے پرمٹ ختم کیتے گئے۔ جے ہر بحران دا آپ ویلے سر وزیراعظم نوٹس لین تے کجھ نہ کجھ کاروائی ضرور ہووے گی۔ ہن تے آپ وزیراعظم نے چیف سیکرٹریاں توں معاملہ کنٹرول کرن دی ہدایت کیتی اے گویا وزیراعلیٰ پنجاب دا کم وی آپ سنبھال لیا اے۔ ایناں وی غنیمت اے کیوں جے اکثر وزیراعظم نوں اجہی کوتاہیاں دی خبر تک نہیں ہوندی جدوں گل
سوشل میڈیا تک پھیل جاندی اے فیر حکومت جاگدی اے تے ایس معاملے تے موقف پیش کردی اے۔ روٹی پانی دے بغیر انسان زندہ ای نہیں رہ سکدا اک زرعی ملک وچ آٹا دال روٹی تے سستے ہونا ضروری نیں۔ ذخیرہ اندوزاں ، ملاوٹ کرن والیاں تے نجائز منافع خوراں نوں ویلے سر سڑکاں تے لٹکا کے سزاواں دین دا عمل شروع کیتا جاوے تے ایہناں دی تشہیر شروع ہو جاوے تے لوک شاید خوف دی وجہ توں ایہناں جرائم توں باز آ جان۔ جے بیورو کریٹاں، سیاستداناں تے بااثر بندیاں نوں بے نقاب کیتے بغیر اوہناں نوں صرف جرمانہ کرن مگروں چھڈ دتا گیا تے ایہ کرپشن کدی ختم نہ ہووے گی۔ وزیراعظم نوں اپنے آلے دوالے دے کارخانہ داراں (صنعت کاراں) جاگیرداراں دی وی سرزنش کرنی ہووے گی جہڑے چینی تے آٹے دیاں ملاں دے مالکان وی نیں۔ ایہ لوک ہمیشہ حکومتاں وچ رہ کے اپنے فائدے دیاں پالیسیاں بناندے نیں عام لوکاں نال اوہناں نوں کوئی ہمدردی نہیں۔ عمران خان دیاں فیکٹریاں کاروبار نہیں اوہناں نوں عام بندے دا درد وی اے اوہناں نوں چاہیدا اے کہ کرپشن روکنی اے تے اپنے ساتھیاں نوں نہ بچان تے احتساب سب دا کرن۔ صرف کرسی نال چمبڑے رہن دے بجائے بولڈ سٹیپ لے کے اپنے کرپٹ وزیراں، مشیراں تے صنعت کاراں ، تاجراں نوں وی سزاواں دین۔سزا سرعام دتے بغیر قنون دا خوف پیدا نہیں ہو سکدا۔ نہیں تاں آوے دا آوے وگڑیا رہوے گا تے ایہدے وچ مسلسل وادھا ہوندا رہوے گا آخر اک دیہاڑ کسے نوں تے ایہ سخت کاروائی کرنی پوے گی نہیں تاں غریب تے ایس ملک توں ختم ہو جاوے گا۔اجے تحریک انصاف ملک وچ انصاف قائم کرن وچ زیادہ کامیاب نہیں اے ایہ تے اوہی گل ہوئی نہیں تاں آوے دا آوے وگڑیا رہوے گا تے ایہدے وچ مسلسل وادھا ہوندا رہوے گا آخر اک دیہاڑ کسے نوں تے ایہ سخت کاروائی کرنی پوے گی نہیں تاں غریب تے ایس ملک توں ختم ہو جاوے گا۔اجے تحریک انصاف ملک وچ انصاف قائم کرن وچ زیادہ کامیاب نہیں اے ایہ تے اوہی گل ہوئی۔
کہ اکھوں انھی ناں چراغ بی بی