اسسٹنٹ کمشنر شیخوپورہ ہتھوں پولیو مہم دا افتتاح

رپورٹ: جاوید پنچھی

اسسٹنٹ کمشنر شیخوپورہ محترم جناب شبیر حسین بٹ صاحب، ایم ایس ڈی ایچ کیو شیخوپورہ محترم جناب ڈاکٹر اظہر امین صاحب تے اے ایم ایس محترم جناب ڈاکٹر محمد افضال سندھیلہ صاحب دے ہتھوں پچھلے دیہاڑے شہباز شریف مدرز اینڈ چلڈرن ہسپتال شیخوپورہ توں پولیو ختم کرن دی مہم دا افتتاح کیتا گیااسسٹنٹ کمشنر شیخوپورہ محترم جناب شبیر حسین بٹ صاحب نے میڈیا نال گل بات کردیاں آکھیا کہ آج اسیں جس مہم دا آغاز کر رہے ہاں ایس مہم نوں پورا کرن لئی پولیو ٹیماں ہر گھر جان گیاں تاں جے پنج سال توں چھوٹے بالاں نوں پولیو دے قطرے پلائے جا سکن۔ اسسٹنٹ کمشنر شیخوپورہ محترم جناب شبیر حسین بٹ صاحب نے دسیا کہ ضلع شیخوپورہ وچ پولیو مہم دی پورتا لئی تیرھاں ہزار پنج سو ورکر کم کر رہے نیں جہڑے ہر گھر تک اپڑن گے اوہناں ضلع بھر دی لوکائی نوں مخاطب کردیا سنیہا دتا کہ پولیو ٹیم نال تعاون کیتا جائے تاں جے ضلع بھر چوں پولیو ختم کرن وچ مدد مل سکے تے اسیں اون والی نسل نوں پولیو جہے مرض پاک ملک دین وچ کامیاب ہو سکیے۔ پولیو مکاو مہم دا افتتاح کرن ویلے اسسٹنٹ کمشنر شیخوپورہ محترم جناب شبیر حسین بٹ صاحب توں علاوا ایم ایس ڈی ایچ کیو شیخوپورہ محترم جناب ڈاکٹر اظہر امین صاحب، اے ایم ایس محترم جناب ڈاکٹر افضال احمد سندھیلہ صاحب تے ڈی ایم ایس محترم جناب ڈاکٹر علی حسنین صاحب وی شامل سن