مہوش دا کردار نبھانا کیریئر دا مشکل ترین مرحلہ سی: عائزہ خان

لہور: نجی ٹی وی دے مشہور ڈرامہ سیریل ’’میرے پاس تم ہو‘‘ دی اداکارہ عائزہ خان دا کہنا اے ڈرامے وچ مہوش دا کردار نبھانا اوہناں دے کیریئر دا مشکل ترین مرحلہ سی۔ یاد رہوے مقبول ڈرامے ’’میرے پاس تم ہو‘‘ دی آخری قسط 25جنوری دی شام نشر کیتی گئی سی جہنوں سینما گھراں وچ وی وکھایا گیا سی۔

’میرے پاس تم ہو‘ دی آخری قسط وچ دانش دی موت تے شائقین نے سوشل میڈیا تے خوب ممیز شیئر کرکے اپنے جذبات دا اظہار کیتا یس۔

پر ہن پہلی واری ڈرامے وچ بے وفاق مہوش دا کردار ادا کرن والی اداکارہ عائزہ خان نے اپنے کردار تے گل کیتی اے۔

ڈرامے دی آخری قسط دے موقع تے اوہناں نے انسٹا گرام تے پوسٹ وچ اعتراف کیتا ’مہوش‘ دا کردار نبھانا اوہناں دے کیریئر دا مشکل ترین مرحلہ سی۔

اوہناں نے لکھیا مہوش دا کردار ادا کرنا اوہناں دے کیریئر دا مشکل ترین مرحلہ سی، پر ہن اوہ ویلا آ چکیا کہ اسیں مشکل ترین کردار نوں خدا حافظ کہیے۔

اپنا تبصرہ گھلو