پی سی بی میرا 6کروڑ روپے دا مقروض اے: یونس خان

قومی کرکٹ ٹیم دے سابق کپتان یونس خان دا کہنا اے پاکستان کرکٹ بورڈ (پی سی بی) میرا 6کروڑ روپے دا مقروض اے۔

کراچی وچ میڈیا نال گل کردیاں یونس خان دا کہنا سی پیسہ میرے لئی کوئی ایشو نہیں اے، پی سی بی نے اج وی میرے چار توں چھ کروڑ روپے دینے نیں۔

قومی ٹیم دے ہیڈ کوچ دے حوالے نال پچھے گئے سوال تے یونس خان آکھیا مصباح الحق اجے نویں نیں اوہناں نوں ویلا دینا چاہیدا اے۔

بابر اعظم دے حوالے نال گل کردیاں قومی ٹیم دے سابق بلے باز دا کہنا سی بابر اجے نوجوان اے اوہناں دا ٹی 20کپتان ہونا چنگی گل اے۔ شعیب ملک تے محمد حفیظ دی ٹیم وچ شمولیت بارے سوال تے یونس خان دا کہنا سی شعیب ملک ہون یاں حفیظ پرفارم کر رہے ہون تے اوہناں نوں ٹیم وچ ہونا چاہیدا اے۔

اپنا تبصرہ گھلو