’’درمیان شمس و قمر‘‘ دے ناں توں آرٹ نمائش دا پربندھ

رپورٹ: میاں عمران

محکمہ اطلاعات و ثقافت، پنجاب دی چھترچھاویں لہور بِنالے تے پنجاب انسٹیٹیوٹ آف لینگوئج، آرٹ اینڈ کلچر (پِلاک) دی سانجھ نال ’’درمیان شمس و قمر‘‘ دے ناں توں اک آرٹ نمائش لائی گئی اے جہڑی 29فروری 2020ء تک پلاک پنجابی کمپلیکس قذافی سٹیڈیم وچ جاری رہوے گی۔

ایہدے وچ پاکستانی کلچر بارے تصویری نمائش توں علاوہ ملک دے سارے علاقیاں تے بنائیاں گئیاں ڈاکومنٹریاں وی وکھائیاں جا رہیاں نیں۔

ایسے طرح پاکستان دے پہاڑاں وچ پائے جان والے قیمتی پتھر تے ایہناں نال بنیاں ہوئیاں شیواں وی خوبورت طریقے نال سجائیاں گئیاں نیں۔

ایہناں شیوا ںدی تفصیل جانن لئی آڈیو تے ویڈیو دوویں سہولتاں موجود نیں۔ ایس توں علاوہ مہر گڑھ تہذیب بارے تہذیب و ثقافت دے نمونے وی شائقین دی توجہ دا مرکز بنے ہوئے نیں۔ فن مصوری نال تعلق رکھن والی شخصیات دے نال نال وکھووکھ تعلیمی اداریاں دے طلبہ وی ایس نمائش دا دورہ کر رہے نیں۔ ایسے سلسلے وچ پچھلے دیہاڑے پنجاب یونیورسٹی دے طلبہ نے نمائش دا دورہ کیتا تے آرٹ دے نمونیاں نوں ڈھیر سراہیا۔