بنگلہ دیش نال سیریز دلچسپ ہووے گی پر میں اپنی کارکردگی توں مطمئن نہیں: اظہر علی

راولپنڈی: قومی ٹیسٹ ٹیم دے کپتان اظہر علی دا کہنا اے پاکستان تے بنگلہ دیش وچکار ٹیسٹ سیریز دلچسپ ہووے گی پر میں اپنی کارکردگی توں مطمئن نہیں آں۔

راولپنڈی کرکٹ سٹیڈیم وچ پریس کانفرنس دے دوران ٹیسٹ کپتان اظہر علی دا کہنا سی چنگا اے باہر دیاں ٹیماں پاکستان آ رہیاں نیں، راولپنڈی کرکٹ سٹیڈیم وچ چنگا کراؤڈ آندا اے، آس اے پچھلی واری دی طرح ایس واری وی چنگا کراؤڈ آوے گا۔

اظہر علی آکھیا اسیں ایہو سوچ رہے آں کہ سانوں بہترین پرفارمنس دینی پوے گی بنگلہ دیش نوں ہران لئی اسیں تیار آں، ساڈا نواں بولنگ اٹیک چنگا اے پر پہلاں وی آکھیا سی ایہنوں ویلا دینا پوے گا۔

واضح رہوے پاکستان تے بنگلہ دیش وچکار 2میچاں تے مشتمل ٹیسٹ سیریز دا پہلا میچ اج توں راولپنڈی وچ شروع ہووے گا۔

اپنا تبصرہ گھلو