صحرا تیرا خیال اور میں ۔۔ڈاکٹر محمد جنید اکرم

Tahir Wazir Abadi

لکھت: طا ہر وزیر آ بادی

ڈاکٹر محمد جنید اکرم ا ک اجیہا ادبی، علمی تے تخلیقی شہزا دہ اے جیہڑا اپنے پُرکھاں وانگ اپنی حیا تی دا ہر دوجا سا ہ ادب نا ویں لائی بیٹھا اے۔ ایس انمُلے ادبی شہزادے دی گُڑھتی وچ ہی ادبی سیوا کاری رس موجود اے۔نانگیاں تے دادکیاں ولوں ائوندی ادبی سیوا کاری دی ریت نوں پورے سبھا نال اگاہنہ ٹوری رکھنا ڈاکٹر محمد جنید اکرم دا مِشن اے۔ورھیاں بدھی طبع نا سا زی وی ڈاکٹر محمد جنید اکرم دے ادبی ٹورے نوں نہ روک سکی۔ سخنوری دی ہر صنف تے بھرواں کم کیتا تے لگاتار اج وی پو رے ادبی جذبے نال جاری اے ۔ اوہناں دیا ں درجناں کتاباں ہُن تائیں ادبی ذوق رکھن والیاں تیک اپڑ چُکیاں نیں۔ جے مجموعی طور تیڈاکٹر محمد جنید اکرم دے ادبی ٹورے اُتے گل کر یئے تاں اک و ڈی تے موٹی کتاب آ سانی نال لکھی جا سکدی اے۔ زیا دہ تر اوہناں دا کم اپنی ماں بولی وچ ہی چھپیا اے ۔جد کہ جدوں جدوں اوہناں اردو ادب لکھیا پڑھن والے خوب جان دے نیں تے گل اپنی ماں بولی دی ہی کیتی۔ اوہناں دیاں دو نرویاں کتاباں ،صحرا تِرا خیال اور میں۔ تے کچی منڈیر پر ایک چراغ۔ پہلی کتاب وچ اردو شاعری تے دوجی وچ نثری مواد۔ فیر اوہناں دونہاں کتاباں وچ ماں بولی دی سیوا کاری توں ہی مُکھ رکھیا گیا اے۔ دو نعتیہ شعر آ پدی سیوا وچ واسطے ثواب دے پیش کر رہیاں
طیبہ تک اک سا تھ رہے
صحرا ترا ﷺ خیال اور میں
آپس میں ہیں گہرے دوست
کاغذ ، قلم خیال اور میں
میرے اجدے وچاراں وچ ڈاکٹر محمد جنید اکرم ہوراں دا شعری پرا گا۔ اردو شاعری ہی رہوے گا، فیر اگلا مضمون وچار ڈاکٹر محمد جنید اکرم ہوراں دی دوجی شاعری جیڑی نثری حوالے نال ما ن جوگ پنجا بیاں واسطے اک انملا ادبی خزا نہ اے دے حوالے نال لکھن دی جہد کراں گا۔
ابھی تو گھر سے نکلا ہے جنا زہ راہ میں ہے
ہجوم سارے شہر کا جنا زہ گاہ میں ہے
وصالِ یار سے بڑھ کر مزہ جنید اکرم
ہجر میں، آ ہ میں ، اُس بے وفا کی چا ہ میں ہے
ڈاکٹر محمد جنید اکرم ہور کجھ چو کھے ہی حسا س طبع تے حقیقت پسند وکھالی دیندے نیں۔ اوہناں دی ہر سوچ نو یکلی تے وچار اچھوتے نیں۔جیڑی گل کر دے عام شاعر ڈر جاندے نیں اوہ بڑے سہل طریقے نال کرن دا ادبی جذبہ رکھدے نیں، پورے سچ دا سامنا اوہناں دی عادت وچ نظری اوندا اے۔ اک چو مصرعہ ویکھو ؎
تجھ سے کیوں رابطہ نہیں ہوتا
عشق بے واسطہ نہیں ہوتا
چند کُلیے ہیں، قا ئدے ہیں کچھ
عشق بے ضابطہ نہیں ہوتا
ڈاکٹر محمد جنید اکرم ہوراں دا نعتیہ کلام پڑھن مگر خو ب اندا زہ ہو جاندا اے کہ اوہناں اپنے رب توں بعد ربدے پاک محبوب ﷺ دی پاک ہستی نال تگڑی محبت دا کدی نہ ٹٹن والا رشتہ قائم کیتا ہویا اے۔اوہناں دا نعتیہ کلام پڑھ اکھیاں دا ہڑھ بے قابو ہو جاندا اے ۔ دو شعر آپدی محبت وچ نال محبت دے
اُس دل کو دھڑکنے کا قرینہ نہیں ہوتا
جس دل میں محمد ﷺ کا نگینہ نہیں ہوتا
آ رام گہہ سرورِ عالم ﷺ ہے مدینہ
ایسا کہیں اور دفینہ نہیں ہوتا
سو ہنے رب اگے میری اے دعا اے کہ ڈاکٹر محمد جنید اکرم ہوراں نوں سوہنی صحت نال لمی عمر عطا فرمائے تے اوہ ایسے طراں اپنے حقیقی عشق دیاں لہراں ونڈدے رہن ۔

اپنا تبصرہ گھلو