پرفارمنس دیس دے ناں کرنا آں: نسیم شاہ

راولپنڈی: راولپنڈی ٹیسٹ دے ہیرو نسیم شاہ دا کہنا اے بنگلہ دیش دے خلاف اپنی شاندار پرفارمنس نوں پاکستان دے ناں کرنا آں۔

نسیم شاہ دا کہنا اے میرے پیو نوں کرکٹ بارے کجھ پتہ نہیں پر میں جدوں اوہناں نوں دسیا کہ میں 3وکٹاں لئیاں نیں تے اوہ بہت خوش ہوئے، رب دا شکر اے پاکستان وچ کرکٹ بحال ہوئی۔

اوہناں آکھیا بنگلہ دیش دے خلاف اپنی شاندار پرفارمنس نوں پاکستان دے ناں کرنا آں، کوشش سی کہ پنج وکٹاں حاصل کراں پر انجری دی وجہ توں انج کرنا ممکن نہیں ہو سکیا، وقار یونس توں کافی سیکھ رہیا آں، اگے وی سیکھدا رہواں گا، اوہناں آکھیا میں محنت تے یقین رکھنا آں۔