پارلیمنٹ وچ غیر اخلاقی زبان دا استعمال، مہوش حیات وی بول پئیاں

کراچی: اداکارہ مہوش حیات نے قومی اسمبلی وچ سیاستداناں ولوں استعمال کیتی جان والی غیر اخلاقی زبان تے غصے دا اظہار کیتا اے۔

پچھلے دیہاڑ قومی اسمبلی دے اجلاس وچ پاکستان پیپلزپارٹی دے رکن قومی اسمبلی عبدالقادر پٹیل نے غیر اخلاقی زبان استعمال کیتی۔

مہوش حیات نے قومی اسمبلی اجلاس دا اک مختصر ویڈیو کلپ شیئر کراندیاں سیاستداناں تے وزیراں ولوں پارلیمنٹ وچ غیر اخلاقی زبان استعمال کرن تے پارلیمنٹ دا تقدس پامال کرن تے غصے تے حیرت دا اظہار کیتا۔

مہوش حیات نے ٹویٹر تے لکھیا ایہ ویکھ کے حیرت ہوندی اے جدوں ساڈے سیاستدان اک دوجے تے ایس طرح ذاتی حملے کردے نیں ایہ کدھرے وی قابل قبول نہیں اے۔

پارلیمنٹ دے تقدس نوں برقرار رکھن لئی اک حد ہوندی اے پر ایتھے یقینی طور تے ایس حد نوں پار کیتا گیا۔ اپنی گل کہن دے ہور وی بہتر طریقے ہو سکدے نیں۔ مستقبل وچ ایس حوالے نال مناسب اقدامات کرن دی لوڑ اے۔