کشمیر ساڈے لئی اوہی حیثیت رکھدا اے جو پاکستان لئی: ترک صدر

اسلام آباد: ترکی دے صدر رجب طیب اردوان آکھیا اے کشمیر وی ترکی لئی اوہی حیثیت رکھدا اے جو پاکستان لئی اے۔

پارلیمنٹ دے سانجھے اجلاس نال خطاب کردیاں ترکی دے صدر رجب طیب اردوان آکھیا کشمیر وی ترکی لئی اوہی حیثیت رکھدا اے جو پاکستان لئی رکھدا اے، ساڈے کشمیری بھراواں نوں حالیہ بھارتی اقدامات توں بہت نقصان ہویا اے، ترکی مسئلہ کشمیر نوں امن تے انصاف دے راہیں حل کرن دے فیصلے تے قائم اے، پاکستان دا بھرپور ساتھ دین دا سلسلہ جاری رکھاں گے، فنانشل ایکشن ٹاسک فورس (ایف اے ٹی ایف) وچ دباء دے باوجود پاکستان نوں بھرپور تعاون تے حمایت دا یقین دوانا آں۔

رجب طیب اردوان آکھیا پاکستان دی خطے وچ ات گردی نوں ختم کرن دی کوششاں نوں خراج تحسین پیش کردے نیں، ترکی دے سرمایہ کاراں دے وڈے گروپ دے نال ایتھے آیا اے۔ اوہناں آکھیا پاکستانیاں نال محبت نہیں کراں گے تے ہور کہدے نال کراں گے۔

اوہناں اپنے ڈھڈ وڈھ کے ساڈی مدد کیتی جہنوں کدی نہیں بھل سکدے، اسیں ترکی لئی سجدے وچ دعاواں کرن والیاں نوں کیویں فراموش کر سکنے آں ، پاکستان دے نال تعلقات ہمیشہ قائم رہن گے، ساڈا پاکستان دے نال دل دا رشتہ اے۔

اپنا تبصرہ گھلو