خوشی تے فخر اے اک واری فیر پاکستان آیا آں: اینڈی فلاور

لہور: ملتان سلطانز دے ہیڈ کوچ اینڈی فلاور آکھیا اے مینوں خوشی تے فخر اے کہ اک واری فیر پاکستان آیا آں۔

قذافی سٹیڈیم لہور وچ ملتان سلطانز دے اوپن میڈیا سیشن وچ سوالاں دے جوابات دیندیاں اینڈی فلاور آکھیا 1990توں پاکستان آ رہیا آں، مینوں خوشی تے فخر اے اک واری فیر پاکستان آیا آں، پاکستان وچ بہت دوستیاں نیں، ایتھوں دی بہت ساری چنگی یاداں نیں۔ ملتان سلطانز دے ہیڈ کوچ دا کہنا سی شان مسعود الیون متوازن ٹیم اے تے دوجی ٹیماں دی طرح ملتان سلطانز وی پی ایس ایل جتن دی اہل اے۔

ملتان سلطانز وچ تجربہ کار تے باصلاحیت کھڈاری شامل نیں۔ مشتاق احمد دا ساتھ میرے لئی بہت معاون ہووے گا، اوہ کھیڈ تے ایتھوں دی کنڈیشنز نوں بہت چنگی طرح سمجھدے نیں۔