لندن پلان دا علم نہیں‘بلاول بھٹو

اسلام آباد ( بیورورپورٹ ) پیپلزپارٹی دے چیئرمین بلا ول بھٹو زرداری نے لندن پلان دی خبراں نوں سازش قرار دیندیاں ہویاں آکھیا اے کہ مینوں لندن پلان دا علم نہیں،2020 تبدیلی دا سال اے۔کیو نکہ پی ٹی آئی سرکار سیاست تے معیشت دوواں نہیں چلا سکدی۔

مو لا نا فضل الر حما ن دا کسی دے نال کیہ معاہدہ ہویا سانوں ایہدا علم اے نہ ای اسیں ایہدا حصہ ساں۔ اسیں جمہوری طریقے نوں مندے آں۔اپوزیشن دے کول ان ہائوس تے نئے چنائو دے آپشن موجود اے۔

ہفتہ دے روز اپنے اک انٹرویو وچ اوہناں نے آکھیا اے کہ اسیں جمہوریت اتے یقین رکھدے آں ایہہ سرکار سیاست نہ ای معیشت چلا سکدی اے۔ ایہی وجہ اے اسیں سمجھنے آں کہ 2020 تبدیلی دا سال اے۔

بلاول بھٹو نے مزیدآکھیا اے کہ جیویں ای میں مہنگائی تے آئی ایم ایف بجٹ دے خلاف مارچ وچ مارچ شروع کراں گے دا اعلان کیتا عمران خان دی نیب نے مینوں نوٹس بھیج دتا دبائو ڈالن تے دھمکان دی کوشش کیتی پر اسیں پچھے ہٹن والے نہیں۔ اسیں عوام دے مسائل دے حل لئی جتھے تیک ممکن ہویا جاواں گے۔