پنجابی دا سُچاسیوک۔۔۔۔۔۔۔۔ طاہر وزیر آبادی

تحریر: نجیب اللہ ملک سوہدروی

طاہر وزیر آبادی نے گھٹ ویلے وچ پنجابی شاعری وچ اپنا مقام بنا یا ۔پنجابی ادب لئی اوہناں دیا ں کاوشاں بُھلا ئیاں نہیں جا سکدیاں ۔علاقہ وچ اوہ صحافت دے نال نال سیاسی وسماجی کماں وچ ودھ چڑھ کے حصہ لیندے سن۔ اوہناں دی ہمیش ایہہ کوشش ہوندی سی کہ دوجیاں دے کم آ سکن۔اوہناں دا انسانی فلاح دے کم کرنا اللہ تعالیٰ دی رضا واسطے سی ۔ اوہ اک ہر دلعزیز شخصیت سی تے اوہناں دی ملنساری پا روںہی اوہناں د ے جنا زے ویلے اک وڈاہجوم سی ۔ایہہ لوکا ں نال اوہناں دی محبت تے اخلاص دا منہ بولدا ثبوت اے۔اوہناں دے دستِ شفقت دا ہی ایہہ نتیجہ اے کہ اج اوہناں دے بے شمار شاگردپنجابی شاعری دے پر چار لئی کوشاں نیں۔پنجابی ادب تے شاعری نوں فروغ دین لئی طاہر وزیر آبادی خدمات نوں خراج تحسین پیش کردا آں تے پنجابی شاعری دے حوالے نال ا وہ اک بہت وڈے شاعر سن ۔ اوہناں دی وفات دا ا یہہ خلا صدیاں بعد وی پُر نہیں ہو سکے گا۔صحافتی میدان وچ وی ا وہ اپنااک مقام رکھدے نیں تے نویں نسل دے صحافیاں لئی مشعل ِراہ سن۔ ہر حال وچ اوہناں دی راہنمائی کردے سن۔صحافیاں نوں اک پلیٹ فارم اُتے ا کٹھا کرن لئی اوہناں سر توڑ کوششاں کیتیاں۔ اَسی مرحوم دی ایہناں شاندار خدمات نوں کدی وی بھُلا نہیں سکا ں گے۔سا ڈی دلی دعا اے کہ اللہ تعالی مرحوم نوں اپنی جوارِ رحمت وچ جگہ عطا کرے تے اوہناں دے گھرآلیاں نوںا یہہ صدمہ برداشت کرن دی توفیق عطا کرے(آمین)۔

اپنا تبصرہ گھلو