سعودی عرب وچ پاکستانیاں دے خلاف کوئی مہم نہیں چل رہی: ترجمان دفتر خارجہ

اسلام آباد: دفتر خارجہ دی ترجمان عائشہ فاروق نے تردید کردیاں آکھیا اے پاکستانیاں نوں ٹارگٹ کرکے ڈی پورٹ کرن بارے خبراں ٹھیک نہیں۔

سعودی عرب وچ پاکستانیاں دے خلاف کوئی مہم نہیں چل رہی۔ ترجمان دفتر خارجہ عائشہ فاروقی نے آکھیا اقوام متحدہ سیکرٹری جنرل نے واضح کیتا اے مقبوضہ کشمیر وچ انسانی حقوق دی پاسداری ضروری اے۔

آس کرنے آں امریکی صدر ڈونلڈ ٹرمپ دے دورہ بھارت دے دوران کشمیر دی صورتحال تے گل ہووے گی۔ تفصیلات دے مطابق ہفتہ وار بریفنگ دے دوران عائشہ فاروقی دا کہنا سی مقبوضہ کشمیر وچ 200دناں توں کرفیو تے لاک ڈاؤن جاری اے۔

پاکستان مسئلہ کشمیر تے ثالثی دی پیشکش نوں عملی شکل دین دا خواہاں اے۔ ترجمان دفتر خارجہ آکھیا سیکرٹری جنرل اقوام متحدہ نے واضح کیتا مقبوضہ وادی وچ انسانی حقوق دی پامالی بند ہونی چاہیدی اے۔

برطانوی کل جماعتی پارلیمانی گروپ نے وی انسانی حقوق دی پاملیاں تے تشویش دا اظہار کیتا اے۔ترجمان دفتر خارجہ دا کہنا سی سعودی عرب تے پاکستان دے گہرے دوستانہ تعلقات نیں۔

پاکستان نوں ٹارگٹ کرکے ڈی پورٹ کرن بارے خبراں ٹھیک نہیں۔ سعودی عرب وچ غیر قنونی تارکین دے خلاف مہم معمول دی کاروائی اے۔

اپنا تبصرہ گھلو