آرمی چیف دا دورہ کویت، نائب وزیراعظم سنے اہم عسکری قیادت نال ملاقاتاں

راولپنڈی: آرمی چیف جنرل قمر جاوید باجوہ اک روزہ سرکاری دورے تے کویت اپڑے جتھے اوہناں نے کویتی نائب وزیراعظم سنے اہم عسکری قیادت نال ملاقاتاں کیتیاں۔

پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل قمر جاوید باجوہ دی کویتی نائب وزیراعظم احمد منصور الاحمد الجبر الصباح، وزیر دفاع تے مسلح افواج دے سربراہواں نال ملاقاتاں وچ باہمی دلچسپی ، دفاعی تے سکیورٹی تعاون تے گل بات کیتی گئی۔

آئی ایس پی آر دے مطابق ایہناں ملاقاتاں وچ علاقائی امن و استحکام دے امور تے وی تبادلہ خیال ہویا۔ کویتی سیاسی تے عسکری قیادت نے انسداد دہشت گردی لئی پاکستانی قوم تے فوج دی کامیابیاں دی تعریف کیتی۔

آرمی چیف تے کویتی قیادت وچکار ملاقاتاں وچ باہمی سکیورٹی، دفاعی تعاون، دفاعی پیداوار، تربیت تے افرادی قوت وچ تعاون دے فروغ تے وی اتفاق کیتا گیا۔