آٹا، کھنڈ تے حکومتی خاموشی اعتراف جرم اے: میاں شہباز شریف

لندن: قائد حزب اختلاف میاں شہباز شریف نے اپنے بیان وچ آکھیا اے آٹا، کھنڈ سکینڈل تے حکومتی خاموشی اعتراف جرم اے۔

تحقیقاتی رپورٹ لُکا کے عمران خان نے ملوث اپنے دوستاں نوں این آر او دتا۔ شہباز شریف نے آکھیا آٹا، کھنڈ وچ کیہنے کمائی کیتی؟ ایہ بحران کیوں پیدا ہویا؟ ایہناں سوالات دا ہن تک جواب نہیں آیا۔

پابندی سی تے برآمد کیوں ہوئی؟ کہڑی کہڑی حکومتی شخصیات دا ملوث ٹھیک ثابت ہویا۔ سمگلراں دی گرفتاری لئی وزیراعظم ہاؤس تے وی چھاپہ ماریا جاوے تے صاف پتہ چل جاوے گا۔

لیگی صدر دا کہنا سی آٹے، کنک تے کھنڈ دی چوری، ذخیرہ اندوزی تے منافع خوری وچ ملوث کرداراں نوں ساہمنے لیانا ہووے گا۔

قوم نوں آٹا، کھنڈ، ٹیکس قرض چوری دا حساب دتے بغیر تہاڈی جان خلاصی نہیں ہووے گی۔ رپورٹ ساہمنے نہ لیا کے نیازی صاحب نے مجرماں دا ساتھی ہون دی تصدیق کر دتی۔