پی ایس ایل توں پہلاں ای اینٹی کرپشن قنون دا بمب پاٹ گیا، عمر اکمل باہر

لہور: پاکستان کرکٹ بورڈ نے اینٹی کرپشن کوڈ دی دفعہ 4.7.1دے تحت عمر اکمل نوں فوری طور تے معطل کر دتا اے۔

پی سی بی اینٹی کرپشن یونٹ ولوں جاری تحقیقات مکمل ہون تک عمر اکمل کرکٹ بارے کسے وی سرگرمی وچ حصہ نہیں لے سکدے، فی الحال تحقیقات جاری نیں ایس لئی پی سی بی ایس معاملے تے ہور کوئی بیان جاری نہیں کرے گا۔

ایس دوران، کوئٹہ گلیڈی ایٹرز نوں ایچ بی ایل پی ایس 2020لئی عمر اکمل دے متبادل دا انتخاب کرن دی اجازت ہووے گی۔

ترجمان کوئٹہ گلیڈی ایٹرز دا کہنا اے عمراکمل کیس وچ پی سی بی دی تحقیقات جاری نیں، تحقیقات مکمل ہون تک کجھ نہیں کہہ سکدے، پی سی بی قوانین دے تحت کوئٹہ گلیڈی ایٹرز متبادل کھڈاری منتخب کرے گا۔