آزادی مارچ تے دھرنے بغیر کسے نقصان دے خاتم ہون تے سرکار نوں مبارکباد دینا آں: صدر مملکت

کوئٹہ: صدر مملکت عارف علوی دا کہنا اے حکومت نوں مبارکباد دینا آں آزادی مارچ تے دھرنے بغیر کسے نقصان دے ختم ہوئے۔ کوئٹہ وچ میڈیا نال گل کردیاں صدر مملکت ڈاکٹر عارف علوی دا کہنا سی کشمیر دے معاملے تے پاکستان نے دنیا بھر وچ بہت وڈا کردار ادا کیتا اے، اقوام متحدہ وچ خطاب کرکے وزیراعظم نے مسلم امہ دی بہتر طریقے نمائندگی کیتی، بھارت اپنے مذمو، مقاصد دی وجہ توں دلدل وچ پھسدا چلا جا رہیا اے جد کہ بھارت دی بزدلانہ حرکت تے پاک فوج نے بھرپور جواب دتا اے۔ صدر عارف علوی آکھیا خوشی ہونی چاہیدی اے کہ عدالتاں کھلیاں نیں تے ہر بندہ اپنا معاملہ عدلیہ دے ساہمنے پیش کر سکدا اے، آرمی چیف دی مدت بارے 2مہینے پہلاں فیصلہ ہو چکیا اے ۔ صدر مملکت دا کہنا سی نیب جے کوئی غیر قنونی کم کرے گا تے میڈیا نوں نشاندہی کرنی چاہیدی اے، میری خواہش اے پارلیمنٹ قنون سازی بارے اپنا اپنا کم کردی رہوے جد کہ وفاق تے صوبائی حکومت وچکار کسے قسم دے فاصلے نہیں۔