نوازشریف دی حالت وچ بہتری نہیں آئی، (ن) لیگ دی حکومتی کمیٹی نوں بریفنگ

اسلام آباد: مسلم لیگ (ن) نے حکومتی کمیٹی نوں بریفنگ دیندیاں آکھیا اے سابق وزیراعظم نوازشریف دی حالت وچ کوئی بہتری نہیں آئی اے۔ نوازشریف دی صحت تے لندن وچ قیام وچ وادھے دے معاملے تے حکومتی کمیٹی دا اجلاس ہویا جہدے وچ ڈپٹی سیکرٹری (ن) لیگ عطا اللہ تارڑ کمیٹی دے ساہمنے پیش ہوئے تے نوازشریف دی صحت بارے آگاہ کیتا جد کہ نوازشریف دے ذاتی معالج ڈاکٹر عدنان نے ویڈیو لنک دے راہیں نوازشریف دی صحت بارے تازہ ترین صورتحال دسی۔

ڈپٹی سیکرٹری ن لیگ عطا تارڑ نے آکھیا نوازشریف دی حالت وچ کوئی بہتری نہیں آئی، ضروری اے سابق وزیراعظم دا پہلے دل دا علاج کرایا جاوے جد کہ دل دے علاج دے بعد باقی بیماریاں دا علاج شروع ہووے گا۔ اوہناں آکھیا دل دے نال گردیاں نوں وی خطرہ لاحق ہوندا اے جد کہ سابق وزیر دے 7وچوں 2اسسٹنٹ کم کرنا چھڈ گئے نیں۔