بھرتیاں بارے غلط خبر تے وزیر قنون برہم، اٹارنی جنرل حقائق توں نابلد قرار

اسلام آباد: اٹارنی جنرل تے وزارت قنون وچ قنونی جنگ شروع ہو گئی۔ اٹارنی جنرل آفس نے پچھلے دیہاڑ بھرتیاں بارے غلط خبر تے وزیر قنون نوں خط لکھیا جہدے تے وزیر قنون برہم ہو گئے تے اٹارنی جنرل نوں حقائق تے قنون توں نابلد قرار دے دتا۔

وزارت قنون دے مطابق خالد جاوید نے حقائق تے ضابطے جانے بغیر وزیر قنون نوں خط لکھیا، وزارت قنون نے نویں لاء افسراں دی بھرتیاں بارے کوئی اقدام نہیں کیتا، جے نویں بھرتیاں کرنیاں ہون تے ایہ اختیار وزارت قنون دا ای اے، بے بنیاد خبر لان تے اخبار نوں وی نوٹس گھلیا جاوے گا۔

خیال رہوے پچھلے دیہاڑ وزیر قنون فروغ نسیم نے اٹارنی جنرل نوں اپنا بھرا قرار دتا سی تے آکھیا سی خالد جاوید دی بطور اٹارنی جنرل تعیناتی تے کوئی تحفظات نہیں پر اج اوہناں نوں حقائق تے قنون توں نابلد قرار دے دتا۔