ہزارہ موٹروے ن لیگ دا تحفہ، نالائق افتتاح کر رہے نیں: مریم اورنگزیب

اسلام آباد: مسلم لیگ (ن) دی ترجمان مریم اورنگزیب دا کہنا اے ہزارہ موٹروے ن لیگ دا تحفہ، نالائق اعظم افتتاح کر رہے نیں، وزیراعظم اوس بندے دی صحت تے سیاست کر رہے نیں جہدے منصوبے دا افتتاح کر رہے نیں۔ نوازشریف دے اک ہور منصوبے تے نالائق دے ناں دی تختی لائی گئی۔ ہزارہ موٹروے دے حویلیاں تھاہ کوٹ سیکشن دی افتتاحی تقریب تے وزیراعظم عمران خان دے بعد ردعمل دیندیاں اوہناں دا کہنا سی عمران صاحب تسیں تے کہندے او سارے چور نیں تے فیر چوراں دے منصوبیاں دا افتتاح کیوں کررہے نیں۔ ترجمان ن لیگ دا کہنا سی عمران خان اج پورے ملک وانگوں تسیں وی نوازشریف نوں دعا دیندے جہنے پاکستان نوں ہزارہ موٹروے دا منصوبہ دتا، کسے نوں وی معاف کرن والی ذات اللہ دی اے۔ شہباز شریف توں حسد نے تہانوں ذہنی مریض بنا دتا اے۔مریم اورنگزیب دا کہنا سی وزیراعظم صاحب شہباز شریف نے ہمیشہ خدمت دی سیاست کیتی اے تے تسیں نفرت کیتی جہدیاں نشانیاں دوہاں دے شہریاں توں عیاں اے۔ عمران صاحب اوہ لوک کون نیں تے کتھے نیں جہناں نوں تسیں چھڈو گے نہیں۔