محبت دی شادی تے یقین نہیں رکھدی: سارہ خان

اسلام آباد: اداکارہ سارہ خان آکھیا اوہ محبت دی شادی تے یقین نہیں رکھدیاں۔ اوہ محبت دی شادی کرن دے بجائے اپنے والدین دی پسند نوں ترجیح دین گیاں۔

میڈیا رپورٹ دے مطابق اداکارہ نے آکھیا اوہ ہمیشہ توں من دیاں نیں عورتاں مرداں دی نسبت زیادہ طاقتور نیں ایہدے لئی حقوق دی برابری لئی لڑن دی کوئی وجہ نہیں بن دی۔

اداکارہ نے آکھیا اوہناں نے اپنی زندگی وچ آن والی مشکلات توں بہت کجھ سکھیا اے۔ واضح رہوے سارہ خان نے وکھو وکھ ڈرامیاں وچ اپنی شاندار پرفارمنس نال اداکاری دا لوہا منوایا اے۔