کراچی وچ بنگلے توں رکن اسمبلی دی دھی دی لاش برآمد

کراچی: ڈیفنس وچ بنگلے دے اندر وں نوجوان کُڑی دی لاش ملی اے، پلس دا کہنا اے واقعہ طبیع موت اے جد کہ مرن والی پیپلزپارٹی نال تعلق رکھن والے پنجاب اسمبلی دے رکن ممتاز علی چانڈ دی دھی سی۔ پچھلے دیہاڑ ڈیفنس فیز 6خیابان راحت وچ اک بنگلے توں نوجوان کُڑی دی لاش ملی سی، ایس ایچ او گزری رضوان حیدر نے دسیا متوفیہ شفا چانڈ دختر ممتاز علی چانڈ رات نوں سوئی سی تے صبح جدوں اہل خانہ نے اوہنوں جگایا تے اوہ نہیں اٹھی جہدے تے اوہناں نے ڈاکٹر نوں سدیا تے موت دی تصدیق کر دتی گئی۔ مرن والی پنجاب اسمبلی دے رکن ممتاز علی چانڈ دی دھی سی جہناں دا تعلق پیپلزپارٹی نال اے، ایس ایچ او نے ہور دسیا واقعہ چونکہ طبعی موت اے ایس لئی ایس سلسلے وچ کوئی قنونی کارروائی نہیں کیتی گئی۔