کرونا وائرس، مسلم لیگ (ن) دا فوری طور تے آل پارٹیز کانفرنس بلان دا مطالبہ

لہور: کرونا وائرس دے معاملے تے مسلم لیگ (ن) نے فوری طور تے آل پارٹیز کانفرنس بلان دا مطالبہ کر دتا، حکومتی سطح تے آگاہی مہم چلان دے مطالبے دی قرارداد پنجاب اسمبلی وچ جمع کروائی گئی۔

قرارداد مسلم لیگ (ن) دی رکن عظمیٰ بخاری نے جمع کرائی جہدے وچ آکھیا گیا اے حکومتی وزرا بیان بازی دی بجائے عملی اقدامات تے توجہ دین، ایوان پاکستان وچ کرونا وائرس دے کیسز ساہمنے آن تے گہری تشویش دا اظہار کردا اے، وائرس دے کیسز ساہمنے آن دے بعد معاون خصوصی ظفر مرزا دے دعویاں دی قلعی کھل گئی اے۔

ملک وچ کرونا کیسز ساہمنے آن تے قوم وچ تشویش پائی جاندی اے، وفاقی حکومت ولوں کرونا وائرس دی روک تھام لئی کوئی خاطر خواہ اقدامات نہیں کیتے گئے۔ قرارداد وچ کرونا وائرس بارے فوری آل پارٹیز کانفرنس طلب کرکے حکومتی سطح تے آگاہی مہم چلان دا مطالبہ کیتا گیا اے۔