دا کرونا وائرس تے اظہار تشویش، روک تھام لئی ٹھوس اقدامات دا مطالبہ

اسلام آباد: ارکان سینیٹ نے کرونا وائرس تے تشویش دا اظہار کردیاں ایہدی روک تھام لئی ٹھوس اقدامات دا مطالبہ کر دتا اے۔ سینیٹ اجلاس وچ کرونا وائرس دے معاملے تے بحث کیتی گئی۔ ارکان سینیٹ نے وائرس توں بچاؤ لئی کیتے گئے اقدامات تے پارلیمان نوں اعتماد وچ لین دا مطالبہ کردیاں آکھیا سرکار دسے کہ ایس وائرس توں بچاؤ لئی کیہ اقدامات کیتے جا رہے نیں؟ مسلم لیگ (ن) دے رکن مشاہد خان نے وزیر صحت دی عدم موجودگی تے تشویش دا اظہار وی کیتا۔

ارکان سینیٹ نے ماسک دی قلت دا معاملہ ایوان وچ چکدیاں آکھیا مارکیٹاں توں ماسک غائب کرنا قابل افسوس عمل اے۔ ارکان پارلیمنٹ نے وائرس توں بچاؤ بارے حکومتی اقدامات تے تنقید وی کیتی۔ اودھر حکومت نے کرونا وائرس دے معاملے تے پورے ایوان تے مشتمل کمیٹی دا اجلاس بلان دی تجویز دے دتی اے۔ قائد ایوان شبلی فراز نے ایوان نوں دسیا کہ کرونا دی تشخیص لئی ملک وچ دو لیب قائم کیتی گئیاں نیں۔

کرونا لئی 120لوکاں نوں ٹیسٹ کیتا گیا، کراچی وچ اک ہور اسلام آباد وچ اک مریض وچ تشخیص ہوئی۔ پر ہن دوواں دی حالت بہتر اے۔

اپنا تبصرہ گھلو