اسلام آباد ہائی کورٹ نے نجی سکولاں دا فیساں وچ وادھے دا اختیار ختم کر دتا

اسلام آباد ہائی کورٹ نے نجی سکولاں نوں فیساں وچ اپنی مرضی دے وادھے توں روکدیاں فیساں وچ وادھے دا اختیار پرائیویٹ ایجوکیشنل انسٹی ٹیوشنز ریگولیٹری اتھارٹی (پیرا) دے حوالے کر دتا۔ اسلام آباد ہائی کورٹ دے جسٹس عامر فاروق نے نجی سکولاں دے خلاف فیساں وچ وادھے بارے کیس دی سماعت کیتی۔

عدالت نے فیصلہ سناندیاں نجی سکولاں نوں اپنی مرضی نال فیساں وچ وادھے توں روک دتا۔ ہائی کورٹ نے نجی سکولاں دی فیساں دے تعین دا اختیار پیرا نوں دے دتا۔ عدالت نے ہدایت کیتی پیرا نجی سکول دی فیساں دے تعین لئی سپریم کورٹ دے فیصلے توں رہنمائی لوے۔