کرونا وائرس، وزیراعلیٰ بلوچستان نے آئسولیشن وارڈز لئی 200ملین روپے جاری کردتے

کوئٹہ: وزیراعلیٰ بلوچستان آکھیا اے کرونا وائرس توں بچاؤ لئی آئسولیشن وارڈز دے قیام لئی 200ملین روپے جاری کردتے نیں۔ کوئٹہ وچ وزیراعظم عمران خان دے معاون خصوصی برائے صحت ڈاکٹر ظفر مرزا نے وزیراعلیٰ بلوچستان جام کمال نال ملاقات کیتی جہدے وچ بلوچستان دے علاقے تفتان وچ کرونا وائرس دی روک تھام بارے اقدامات دا جائزہ لیا گیا۔ دوواں اہم شخصیات نے بلوچستان دے علاقے تفتان وچ طبی تے انتظامی امور دے مراتب دے قیام دا فیصلہ وی کیتا۔

وزیراعلیٰ بلوچستان دا کہنا سی صوبائی حکومت نے آئسولیشن وارڈز دے قیام لئی 200ملین روپے جاری کردتے نیں۔ ڈاکٹر ظفر مرزا نے ایس موقع تے گل کردیاں آکھیا ایران دی وزارت صحت نے زائرین دے ٹیسٹ تے سکریننگ کرن دی پیشکش کیتی اے، اگلے کجھ دناں وچ اسیں ہولی ہولی مکمل سکریننگ دے بعد پاکستانی زائرین نوں گروپاں وچ ایران توں واپس آن دی اجازت دیواں گے، زائرین نوں اک اک ہزار دی تعداد وچ روزانہ سکریننگ دے بعد واپس لیایا جاوے گا۔