ماسک دی عدم دستیابی دے خلاف کیس، وفاقی حکومت، کمشنر کراچی نوں نوٹس جاری

کراچی: سندھ ہائی کورٹ نے کرونا وائرس توں بچن لئی شہر وچ ماسک دی عدم دستیابی دے کیس وچ وفاقی حکومت کمشنر کراچی تے دوجیاں نوں نوٹس جاری کردیاں 6مارچ نوں جواب داخل کرن دا حکم دتا۔

کراچی وچ کرونا وائرس توں بچن لئی ماسک دی عدم دستیابی تے سندھ ہائی کورٹ وچ درخواست دی سماعت ہوئی۔ درخواست گزار نے موقف اختیار کیتا ایس مشکل گھڑی وچ ذخیرہ اندوزی کرن والے مافیا لٹ مار مچائی ہوئی اے، 180روپے والا سرجیکل ماسک اک ہزار توں 17سو وچ فروخت ہو رہیا اے، میڈیا وچ کرونا وائرس توں بچن لئی احتیاطی تدابیر دی مہم چلائی جاوے۔

درخواست وچ چیف سیکرٹری سندھ، صوبائی و وفاقی سیکرٹری ہیلتھ، وزارت داخلہ، پیمرا سنے دوجیاں نوں فریق بنایا گیا اے۔