اداکارہ ثناء جاوید پشاور زلمی دی خیر سگالی سفیر مقرر

لہور: پاکستان دی معروف اداکارہ ثناء جاوید نوں پشاور زلمی دی خیر سگالی سفیر مقرر کر دتا گیا، پی ایس ایل سیزن فائیو وچ پشاور زلمی نوں سپورٹ کرن گیاں۔

تفصیلات دے مطابق میڈیا تے برانڈ ویلیو دے لحاظ نال پاکستان سپر لیگ دی نمبر ون فرنچائز توں وڈے ناں تے شخصیات جڑن دا سلسلہ جاری اے۔ شوبز سٹار، معروف اداکارہ تے مادل ثناء جاوید نوں پشاور زلمی دا خیر سگالی سفیر مقرر کیتا گیا اے۔

ثناء جاوید پاکستان سپر لیگ سیزن فور دی طرح سیزن فائیو وچ وی پشاور زلمی نوں سپورٹ کرن گیاں۔ چیئرمین پشاور زلمی جاوید آفریدی نے ثناء جاوید نوں پشاور زلمی دا حصہ بنن تے خوش آمدید آکھیا اے۔