خلیل الرحمان دی نازیبا زبان سن کے صدمے وچ آں: ماہرہ خان

کراچی: ماہرہ خان نے مصنف و ہدایت کار خلیل الرحمان قمر دی سماجی کارکن ماروی سرمد لئی استعمال کیتی گئی انتہائی نازیبا زبان تے افسوس دا اظہار کردیاں آکھیا اے ایہ ویکھ کے میں صدمے وچ آں۔

عورتاں بارے متنازعہ بیانات دین والے معروف و ہدایت کار خلیل الرحمان قمر دے پچھلے دیہاڑ اک شو دے دوران ماروی سرمد لئی استعمال کیتے گئے الفاظ تے نازیبا زبان نے سوشل میڈیا تے طوفان چک دتا اے ایتھوں تک کہ خلیل الرحمان دا ناں ٹوئٹر تے ٹاپ ٹرینڈ کر رہیا اے۔

سوشل میڈیا صارفین دے نال شوبز انڈسٹری دی معروف شخصیات وی ایس معاملے تے چپ نہ رہ سکیاں۔

اداکارہ ماہرہ خان نے خلیل الرحمان تے تنقید کردیاں آکھیا جو کجھ میں اجے سنیا تے ویکھیا ایہدے تے حیران تے صدمے وچ آں۔

ماہرہ خان نے خلیل الرحمان قمر نوں بیمار قرار دیندیاں آکھیا ایہ بندہ ٹی وی تے بیٹھ کے عورتاں دی تذلیل کردا اے پر اوہنوں پراجیکٹ تے پراجیکٹ مل رہیا اے۔

اپنا تبصرہ گھلو