شیخ رشید نوں سینے وچ تکلیف ‘ہولی فیملی ریفر

راولپنڈی( بیوروپورٹ ) شیخ رشید احمد نوں سینے وچ تکلیف دے پیش نظر راولپنڈی انسٹی ٹیوٹ آف کارڈیالوجی منتقل ، ای سی جی بالکل نارمل ، وفاقی وزیر نوں ہولی فیملی منتقل کیتا گیا،بلڈ پریشر تے شوگر دا مسئلہ نکلیا ،ڈاکٹراں نے تفصیلی طبی معائنہ دے بعد گھر بھجوادتا ۔ تفصیلات دے مطابق پیر دے روز وفاقی وزیر ریلوے شیخ رشید احمد تقریب وچ شرکت لئی لال حویلی آپڑے تے لوکائی دے نال ملاقات دے دوران سینے وچ تکلیف محسوس ہوئی ایہناں فوری طور تے راولپنڈی انسٹیٹیوٹ آف کارڈیالوجی منتقل کیتا گیا جتھے ڈاکٹراں نے ایہناں تفصیلی طبی معائنہ کیتا۔ بعد ازاں ایہناں ہولی فیملی ہسپتال بھجوا دتا گیا۔ڈاکٹراں نے معائنے دے بعد دسیا اے کہ شیخ رشید نوں دل دی تکلیف نہیں ہوئی ایہناں دی ای سی جی بالکل نامرل اے۔ وفاقی و زیر نوہں بلڈپریشر تے شوگر لیول دی شکایت اے۔ بلڈپریشنر ودھن دے نال سینے وچ تکلیف ہوئی۔