کرونا وائرس دے پیش نظر کسے شہر نوں لاک ڈاؤن کرن دا فیصلہ نہیں کیتا: شہباز گل

لہور: تحریک انصاف دے رہنما ڈاکٹر شہباز گل نے واضح کیتا اے حکومت نے کرونا وائرس دے خطرات دے پیش نظر کسے شہر یاں صوبے نوں لاک ڈاؤن کرن دا فیصلہ نہیں کیتا اے۔

کرونا وائرس بارے اپنے ویڈیو پیغام وچ شہباز گل دا کہنا سی وزیراعظم کرونا وائرس بارے مسلسل اجلاس کر رہے نیں۔

اوہناں نے اشیائے خورونوش دی فراہمی تے خصوصی ہدایت دتیاں نیں، عوام پریشان ہو کے اضافی خریداری توں اجتناب کرن۔ شہباز گل دا کہنا سی چین توں مرحلہ وار وینٹی لیٹرز منگوا رہے آں۔

عوام لئی ماسک توں ودھ رش والی تھاواں تے نہ جانا ضروری اے۔ پوری دنیا وچ ٹیسٹنگ کٹس دی کمی دا ساہمنا اے۔ ٹیسٹ صرف ڈاکٹر دی ہدایت تے ای کروایا جاوے۔