ساری عدالتاں 3ہفتیاں لئی سول نوعیت دے مقدمات نہ سنن، سرکار دی عرضی

اسلام آباد: وفاقی حکومت نے چیف جسٹس آف پاکستان تے ہائیکورٹس دے چیف جسٹس صاحبان نوں درخواست کیتی اے ساری عدالتاں تن ہفتیاں لئی سول نوعیت دے مقدمات نہ سنن۔

وزارت قنون ولوں رجسٹرار سپریم کورٹ نوں خط لکھیا گیا اے جہدے وچ نیشنل سکیورٹی کمیٹی دے حالیہ فیصلیاں توں آگاہ کیتا گیا، رجسٹرار نوں حکومتی خط چیف جسٹس آف پاکستان دے ساہمنے رکھن دا آکھیا گیا اے۔

چیف جسٹس نوں درخواست کیتی گئی اے ساری عدالتاں نوں تن ہفتیاں تک سول نوعیت دے مقدمات نہ سنن دی ہدایت کیتی جاوے، ضمانت تے ریمانڈ دے کیساں وچ جوڈیشل مجسٹریٹس تے سیشن عدالتاں دے ججز جیلاں دے دورے کرن۔

خط وچ آکھیا گیا اے تن ہفتیاں بعد حکومت ایس درخواست دا دوبارہ جائزہ لوے گی۔