کرونا وائرس دا خدشہ، مذہبی اجتماعات ملتوی، خطبات نماز جمعہ مختصر کرن دا فیصلہ

اسلام آباد: کرونا وائرس دے پیش نظر پاکستان علماء کونسل نے مشترکہ فتویٰ جاری کر دتا جہدے وچ آکھیا گیا اے سارے مذہبی اجتماعات فوری طور تے ملتوی کر دتے گئے نیں۔

پاکستان علماء کونسل ولوں جاری کیتے گئے فتویٰ وچ آکھیا گیا اے نماز جمعہ دے خطبات نوں مختصر کرن دا وی فیصلہ کیتا گیا اے، مسیتاں وچ صفاں وچکار فاصلہ رکھیا جاوے، مسیتاں وچ باجماعت نماز فرش تے ادا کیتی جاوے، نماز دی ادائیگی توں پہلاں سرف یاں صابن نال فرش دھونا بہتر ہووے گا۔

فتویٰ وچ ہور آکھیا گیا پوری قوم کثرت نال استغفار کرے، آیت کریمہ پڑھی جان، صدقہ و خیرات دتا جاوے، حکومتی تدابیر قطعی طور تے توکل اللہ دے خلاف نہیں، نمازی سنتاں گھر وچ ادا کرکے مسجد آن، مصافحہ دے بجائے زبان نال اسلام علیکم آکھیا جاوے، مریض و بزرگ مسیتاں دے بجائے گھر وچ نماز پڑھن تے بہتر ہووے گا، مساجد وچ وضو خانیاں تے طہارت خانیاں دی صفائی دا پورا خیال رکھیا جاوے۔