بھارتی فورسز دی ایل اوسی تے بلااشتعال فائرنگ نال پاک فوج دا جوان شہید

راولپنڈی: ایل او سی تے بھارتی فورسز دی بلااشتعال فائرنگ نال پاک فوج دا سپاہی شہید ہو گیا۔

پاک فوج دے شعبہ تعلقات عامہ (آئی ایس پی آر) دے مطابق بھارتی فورسز نے لائن آف کنٹرول تے شاہکوٹ سیکٹر وچ بلااشتعال فائرنگ کیتی جہدے نتیجے وچ 20سالہ سپاہی واجد علی شہید ہو گیا، شہید سپاہی دا تعلق ضلع دادو نال اے جد کہ واجد علی نے بھارتی اشتعال انگیزی دا مردانہ وار جواب دیندیاں جام شہادت نوش کیتا۔ آئی ایس پی آر دے مطابق بھارتی فورسز نے شاہکوٹ سیکٹر وچ بھاری ہتھیاراں دا استعمال کیتا جد کہ پاک فوج ولوں بھرپور جوابی کاروائی کیتی گئی۔