وفاقی کابینہ دا اجلاس، جمعہ دے اجتماعواں تے پابندی نہ لاؤن دا فیصلہ

اسلام آباد: وفاقی حکومت نے جمعہ دے اجتماعواں تے پابندی نہ لاؤن دا فیصلہ کیتا اے۔ وزیراعظم عمران خان دی زیر صدارت وفاقی کابینہ دا اجلاس ہویا جہدے وچ کورونا وائرس دے پھیلاؤ نوں روکن لئی اقدامات تے گل بات ہوئی۔

سرکار نے جمعہ دے اجتماعات تے پابندی نہ لاؤن دا فیصلہ کردیاں ائمہ حضرات نوں نماز جمعہ دو فرض تک محدود تے خطہ مختصر کرن دی ہدایت کیتی۔

اجلاس وچ فیصلہ کیتا گیا نماز جمعہ دے اجتماعات بارے بھرپور آگاہی مہم چلائی جاوے گی، جد کہ علماء تے خطیب مسیتاں توں احتیاطی تدابیر اختیار کرن دی تلقین کرن گے۔

وفاقی کابینہ نے اگلے مالی ورھے دی بجٹ حکمت عملی دی منظوری دیندیاں بجٹ اخراجات، آمدن تے اہداف لئی تجاویز پیش کر دتیاں۔

اگلے ورھے شرح نمو دا ہدف تن فیصد ہووے گا تے ایف بی آر محصولات دی وصولی دا ہدف 6ہزار ارب توں ودھ ہووے گا۔